SEO
CHEON Sinsung-ri
សឆុន រយ:ពេល 600 ឆ្នាំ
សឆុន ស្ថិតនៅតំបន់ខាងលិចឈៀងខាងត្បូងនៃឈុនឆុនណាមតូ ខាងកើតជាប់នឹងប៊ូយ៉ូគុន ខាងលិចជាប់នឹងសមុទ្រលឿង ខាងត្បូងជាប់នឹងគុនសានស៊ី នៃចលឡាបូកតូ ជាមួយនឹង ទន្លេគឹមកាំងដែលបង្កើតបានជាខ្សែព្រំដែន និងខាងជើងជាប់នឹងបូរ៉ុងស៊ី។ សឆុនល្បីឈ្មោះជាយូរមកហើយ ដោយសារហានសាន សេម៉ូស៊ី (ក្រណាត់រេមី ដែលមានក្បាច់ស្អាត) ហើយ បានបន្សល់មកដល់ពេលនេះ។ ហើយតំបន់នេះ ក៏មាននូវភូមិកសិកម្ម និងភូមិនេសាទ។ ប្រព័ន្ធរដ្ឋបាលនៃសឆុន ត្រូវបានឃើញដំបូងគេនៅពេលបង្កើតអារីម រដ្ឋដែលបង្កើតឡើងដោយម៉ាហាន ក្នុងសម័យសាមហាន (ហានទាំងបី)។ ប្រព័ន្ធរដ្ឋបាលនៃអារីម មិនត្រូវបានគេដឹង ច្រើននោះទេ ព្រោះមិនមានកំណត់ត្រានៃសម័យសាមហាន។ ក៏ប៉ុន្តែ យោងតាមកំណត់ត្រាវីជីហានចុន មានរដ្ឋម៉ាហានចំនួន 54 ដែលមានភូមិតូចៗជាច្រើន ហើយមានរដ្ឋចំនួន 13 ស្ថិតនៅក្នុងខេត្តឈុនឆុនណាមតូ។ បូរណភាពដែនដី ប្រព័ន្ធរដ្ឋបាល និងតំបន់រដ្ឋបាលនៃអារីម មិនដូចនឹងអ្វីដែលគេឃើញពេលបច្ចុប្បន្ននេះទេ។ ក៏ប៉ុន្តែ មានអ្នកខ្លះនិយាយថា វាគឺជា រដ្ឋដែលមានស្តេច ដោយសារតែស្ថិតនៅក្រោមការគ្រប់គ្រងរបស់ស្តេច ហើយយោងតាមកំណត់ត្រាប្រវត្តិសាស្ត្រ អារីមស្ថិតនៅក្បែរភ្នំណាមសាន នៃសឆុនអាប់ សឆុនគុន។ ការរស់នៅ ក៏ចាប់ផ្តើមកើតមានឡើងនៅជិតភ្នំណាមសាន និងមានការបង្កើតឡើងជាភូមិរស់នៅជុំវិញតំបន់នេះ។ នេះបានបង្កើតជាមូលដ្ឋាននៃប្រព័ន្ធរដ្ឋបាលនៃសឆុន។